arrincadeira

Xornadas de febreiro.

2011-02-03T19:42:00.002+01:00

Curso da EPG na Arrincadeira

2011-01-31T21:25:00.008+01:00

Este sábado 5 de febreiro, ás 16.30 hh, vai ter lugar no noso local o curso da Escola Popular Galega (EPG) "Introdución ao xénero" impartido por Raquel Doval.

Para participar no curso tes que enviar un e-mail co teu nome ao seguinte enderezo: escolapopularfeminista@gmail.com.

MÁIS INFO:

http://agal-gz.org/blogues/index.php/EPG/cursos/

Sáhara ceibe!!!

2010-11-11T11:52:00.005+01:00

Fai trinta e cinco longos anos que o pobo saharaui non vive en paz, que a terra e as pedras desa rexión pecharon os seus ollos pra que non lles proa a sangue das persoas que morreron durante todo ese longo tempo.
Marrocos fóra do Sáhara xa!!!
Marrocos culpábel, España responsábel!!!
Liberdade pro pobo saharaui!!!

12 de outubro. Nada que festexar!!

2010-10-11T19:40:00.001+01:00

Comeza o curso!

2010-10-08T16:57:00.001+01:00

5º Aniversario d'Arrincadeira!!!

2010-09-03T16:39:00.003+01:00

O próximo sábado día 11 de setembro estades tod@s convidad@s ó aniversario d'Arrincadeira!!!
Cea popular, palestra musical, concertos e moita festa!!!!

2010-07-16T15:59:00.001+01:00

Este próximo sábado (día 24) imos ter un xantar na Arrincadeira pra festexar o Día da Patria.
Estades todos e todas convidadas!!
Iso si, lembrádevos de avisar no teléfono 651.60.99.56

Viva Galiza ceibe!!!

palestra 15 de xullo ás 20.30 na arrincadeira

2010-07-09T09:11:00.001+01:00

2010-06-05T11:55:00.001+01:00

Esta tarde, ás 20.30 na Praza Maior de Ribadavia, concentración en solidariedade co Pobo Palestino.
Non fiquemos indiferentes diante das agresións inxustificadas de Israel.
Non ás inxustizas!
Palestina Libre!!
Galiza con Palestina!

17 de maio. día das letras galegas

2010-05-14T10:42:00.003+01:00

Este luns 17 de maio tod@s a Compostela! Ou a Vilanova dos Infantes!

... deixa de Castela
os duros acentos:
falade, miniñas,
fade galego!!

Eduardo Pondal
Poesías Inéditas

Aulas de baile e musica tradicional.

2009-09-11T07:14:00.001+01:00

FESTA 4º ANIVERSARIO

2009-08-12T12:36:00.001+01:00

Moncho Reboiras, a loita continúa !

2009-08-12T12:28:00.002+01:00

Xosé Ramón Reboiras Noia, máis coñecido como Moncho Reboiras, nado en Imo (Dodro) o 19 de xaneiro de 1950 e asasinado en Ferrol o 11 de agosto de 1975, foi un militante nacionalista galego, membro da UPG.

Participou nun grupo dedicado a dotar á UPG de infraestruturas loxísticas, que incluía unha fronte armada que loitase contra a ditadura, un comando composto por un reducido número de persoas. O escaso armamento do que dispuña procedía do grupo portugués LUAR e adestraban no sur da provincia de Pontevedra. A primeira acción foi un atraco a un banco en Escairón. Identificado pola Garda Civil permanece oculto por un tempo. Cando se atopaba en Ferrol, onde se estaba a organizar a UPG, a Brigada Político Social (BPS) estabelece na noite do 11 de agosto de 1975 un control na zona de Canido. Ás 2 da mañá numerosos efectivos da BPS, acompañados de máis de 300 axentes da Policía Armada acordoaron o edificio onde se atopaba con 2 militantes máis, que lograron fuxir. Ao cabo de dúas horas a policía dá alcance a Reboiras no portal do número 27 da rúa da Terra, disparándolle varios tiros, un deles na caluga. A partir dese momento desátase un amplo operativo en toda Galiza coa detención de varios militantes nacionalistas e o exilio a Portugal (xa trunfara a Revolución dos caraveis en abril de 1974) dun gran número de membros da UPG.

Actualmente está soterrado no cemiterio parroquial de san Xoán de Laíño, no concello de Dodro.

OBRADOIRO DE GUITARRA

2009-07-02T14:11:00.003+01:00

Xa sabedes: o vindeiro luns, quedamos en Arrincadeira para falar déste novo obradoiro. Tod@s @s que esteades interesad@s, pasádevos ás 7 da tarde polo local.

CHARLA COA MOCIDADE BASCA

2009-05-22T12:42:00.001+01:00

17 de MAIO, DÍA DAS LETRAS GALEGAS

2009-05-15T12:11:00.001+01:00

DEITADO FRENTE AO MAR

Lingoa proletaria do meu pobo,
eu fáloa porque sí, porque me gosta,
porque me peta e quero e dame a gaña;
porque me sai de dentro, alá do fondo
dunha tristura aceda que me abrangue
ao ver tantos patufos desleigados,
pequenos mequetrefes sin raíces
que ao pór a garabata xa nan saben
afirmarse no amor dos devanceiros,
falar a fala nai,
a fala dos abós que temos mortos,
e ser, co rostro erguido,
mariñeiros, labregos do lingoaxe,
remo i arado, proa e rella sempre.
Eu fáloa porque sí, porque me gosta
e quero estar cos meus, coa xente miña,
perto dos homes bos que sofren longo
unha historia contada noutra lingoa.
Non falo pra os soberbios,
non falo pra os ruis e poderosos,
non falo pra os finchados,
non falo pra os valeiros,
non falo pra os estúpidos,
que falo pra os que agoantan rexamente
mentiras e inxusticias de cotío;
pra os que súan e choran
un pranto cotidián de volvoretas,
de lume e vento sobre os ollos núos.
Eu non podo arredar as miñas verbas
de tódolos que sofren neste mundo.
E ti vives no mundo, terra miña,
berce da miña estirpe,
Galicia, dóce mágoa das Españas,
deitada frente ao mar, ise camiño...

Celso Emilio Ferreiro

XORNADA MOVEMENTO FEMINISTA GALEGO: AS LERCHAS

2009-05-11T07:51:00.002+01:00

E aquí temos ó "Museo da tortura contra as mulleres" que montaron as Lerchas na Praza Maior. Logo a charla na que nos explicaron o qué fan; e o resultado da "enquisa" : o resultado: tod@s enferm@s!!

XORNADA SOBRE O MOVEMENTO FEMINISTA GALEGO

2009-05-07T09:37:00.003+01:00

Esta sexta-feira, venres, 8 de maio, xornada feminista en arrincadeira:

ás 19 horas o colectivo "lerchas" mostraranos o seu "museo" na praza maior

ás 20.30 no local de arrincadeira haberá unha charla a cargo do colectivo "as lerchas" e da Marcha Mundial das Mulleres

xornada mais que interesante, así que vemonos aló!!

Obradoiro de coiro

2009-04-29T09:49:00.002+01:00

O mercores pasado empezamos un obradoiro de coiro, que impartirá Pilar; como continuación dos obradoiros de "manualidades", xa que, antes déste, viñamos facendo un obradoiro de calceta e ganchillo, que xa rematamos.

Se estades interesad@s, pasádevos o mércores a partir das 20:30 h polo local.

Se tendes algunha dúbida, escribídenos un correio a: arrincadeiragz@gmail.com

Saúdos!

HOMENAXE Ó PACO "DO MORTO"

2009-03-11T10:10:00.001+01:00

Dende Arrincadeira rendemos unha pequena Homenaxe a Paco do Morto (Francisco Alonso) o pasado mes de xaneiro, adicandolle un espazo dentro do noso local social, e colocando unha pequena "placa", obra de Arturo Gulin (fillo)

Recoñecemento máis que merecido por tantos anos de traballo e compromiso polo Ribeiro e por Galiza. Por ter traballado en tódolos eidos do asociacionismo na comarca e pola súa especial implicación na dignificacion do traballo no agro , no eido cultural e a súa participacion activa na vida política comarca.

E por suposto por ser tan autentico e colectivizar a C15 para calquera tipo de evento !

Concentración en apoio ao pobo Palestino II

2009-01-15T12:52:00.003+01:00

Este sábado dia 17 de xaneiro, Arrincadeira convoca, por segunda vez, unha concentración en solidariedade co pobo Palestino. Non podemos parar o conflicto, pero tampouco podemos quedarnos calad@s ante o xenocidio que Israel está levando a cabo en territorio palestino.

Acude á concentración, e, se non podes, lembra que o día seguinte, o domingo 18, hai unha manifestacion a nivel nacional en Compostela.

(A ver se désta vez non lle pasa nada á faixa...)

III CAMPIONATO DE FUTBOLIN

2009-01-08T12:02:00.004+01:00

O sábado 10 de xaneiro imos levar a cabo o III Campionato de Futbolín en Arrincadeira, a partires das 22:00 h. para que poidades vir comer un pincho e tomar un viño.
Haberá que pagar un précio simbólico para apuntarse ao campionato, e haberá premio para @s gañador@s.

Tamén haberá outra gran sorpresiña, que só veredes se vindes...

Vémonos!!

A velas vir, a velas vir, unha partida brava de futbolín!!

ARRINCADEIRA CON PALESTINA

2009-01-08T11:43:00.003+01:00

O pasado domingo 4 de xaneiro, Arrincadeira organizou unha concentración en apoio do Pobo Palestino. O evento foi na Praza Maior de Ribadavia ás 7:30 do serán.
Levamos unha pancarta, lemos un comunicado e logo colgamos a pancarta nun balcon dunha casa na mesma Praza Maior, ao carón da Casa do Concello.
A concentración estivo ben, non houbo moita xente, pero tal vez sí máis da que esperabamos.
O noso agradecemento a tod@s @s que viñestes.

Ah, o día de Reis pola mañá, a pancarta xa non estaba no balcón. Non sabemos que pasou con ela...

mais xornadas de decembro 09

2008-12-16T12:29:00.000+01:00

NA GALIZA EN GALEGO

2008-12-10T21:15:00.001+01:00

2008-12-05T17:57:00.000+01:00

magosto na arrincadeira

2008-11-05T16:24:00.002+01:00

O 12 DE OUTUBRO NADA QUE CELEBRAR!!

2008-10-20T09:56:00.005+01:00

Nen dia "de la raza" nen dia "de la hispanidad", DIA DA RESISTENCIA INDIXENA!!

Non ao imperialismo español, Viva Galiza Ceibe e socialista!!

ARRANCA A ISTORIA... NA ARRINCADEIRA !

2008-08-27T07:48:00.002+01:00

Por orde de Dom Pedro e Dona Ana, fáise saber que o local social Arrincadeira abrirá as súas portas a noite da Pre-Istoria.
Antes da Istoria xa estaremos nós !

A festa, pra quen a traballe !

dia da patria galega

2008-07-30T11:12:00.001+01:00

Un ano máis, festexando o Día da Patria Galega.

Independencia e socialismo.

CHARLA SOBRE A REVOLUCIÓN BOLIVARIANA

2008-06-17T10:09:00.002+01:00

Arrincadeira celebra unha charla-coloquio con D.Pedro Ugueto, Cónsul de Segunda da República de Venezuela, que nos falará da Revolución Bolivariana na Galiza. Este venres, dia 20 de xuño, ás 8 da tarde, no salón de plenos do Concello de Ribadavia.
Ao remate da charla-coloquio, terémos un serán no local social. Non faltedes!

PRINCIPIOS DA “ASOCIACION GALEGA DE AMIZADE COA REVOLUCION BOLIVARIANA” (AGARB)

A “Asociación Galega de Amizade coa Revolucion Bolivariana” (AGARB) é unha organización popular sen ánimo de lucro, encadrada nos parámetros da esquerda soberanista e anticapitalista galega, cuios principais obxetivos son:

1º- Difundir na Galiza o proceso revolucionario en curso na República Bolivariana de Venezuela.

2º- Apoiar a loita antiimperialista e a favor da construcción do socialismo néste país irmán.

3º- Procurar apoios e adhesións á causa bolivariana entre o pobo traballador galego.

4º- Impulsar proxectos de cooperación, intercambio, solidaridade e coñecemento mutuo entre o pobo galego e o pobo venezolano.

5º- Recuperar e difundir os históricos lazos de amizade entre a Galiza e Venezuela.

6º- Reforzar a loita antiimperialista e anticapitalista, pola soberanía nacional no camiño do Socialismo do século XXI.

Día da loita campesiña

2008-04-15T08:54:00.002+01:00

O 17 de abril foi declarado Día Internacional da Loita Campesiña durante a Segunda Conferencia da Vía Campesiña en Tlaxcala, México, en recordo do masacre de 19 campesiños sen terra do Movemento de Traballadores Rurales Sen Terra (MST) en Brasil o 17 de abril de 1996.

O Coto do Frade organiza unhas charlas e máis cousas o dia 18 de abril, a partir das 20:30 h, no Aljama.

Si queredes ver o resto do comunicado, podédelo ver en : http://altermundo.org/portal/content/view/625/1/

Imaxes da charla do Cónsul de Cuba

2008-04-15T08:34:00.001+01:00

CHARLA CO CÓNSUL DE CUBA E FESTA DO 2º ANIVERSARIO

2008-02-21T15:49:00.002+01:00

O venres 22 Arrincadeira celebra o seu 2º Aniversário, que empezará ás 20:00 h con unha charla-coloquio a cargo do Cónsul Xeral da República Cubana na Galiza, D. Alejandro D. Fuentes Hernández, e terá lugar no salón de plenos da Casa do Concello de Ribadavia.

Ó seguir, festexaremos o 2º Aniversario, no local social da rúa Mera Soto, coa actuación dos "Airiños de María", comida e bebida.

Contámos con vós outro ano máis!

Cea de soci@s

2007-12-19T13:52:00.000+01:00

O venres 28 de decembro faremos unha asemblea - cea de soci@s de Arrincadeira.
Merca o teu vale no Aljama ou ben no Local Social de Arrincadeira antes do 25 de decembro (Dia de Nadal).
O vale para a cea custa 10 euros, e será no Bodegón do Josinho ás 21:30 h.

CHARLA-COLOQUIO con KIKO DA SILVA

2007-12-11T09:03:00.000+01:00

Kiko da Silva é un ilustrador (debuxante) que colabora coas revistas RETRANCA, EL JUEVES.. e ademáis con varios xornais (La voz de galicia, El pais....) e tén ilustrado contos infantís para KALANDRAKA. Ademáis de ter recibido moitos premios de ilustración.
Non vos perdades a ocasión de velo e escoitalo. Ademáis traerá debuxos seus para ensinarnos.
O vindeiro domingo dia 16 de dezembro no Aljama (Ribadavia - O Ribeiro).
Para mais información sobre Kiko da Silva, visitade o seu blog: http://kikodasilva.blogspot.com/

CAVADO A MAN OUTONO 2OO7

2007-10-30T11:03:00.000+01:00

EDITORIAL:
Parque empresarial de Carballeda de Avia.

O Parque empresarial de Carballeda convertéuse no tema estrela da Comarca nos últimos meses e, con toda seguridade, o será nos tempos vindeiros, xa que lembremos que a tramitación administrativa apenas comezou.

No que se refire á tramitación burocrática do parque segue exactamente igual que fai uns meses, segue vixente o acordo de non incineración, asinado entre a Consellería de Vivenda e Solo e Medio Ambiente; a maiores saíu a concurso público no DOG a redacción do proxecto de Parque Empresarial (competencia de Vivenda e Solo) e un concurso de ideas para o tratamento dos lodos de depuradoras (Consellería de Medio Ambiente).

No que se refire ós encontros mantidos coas diferentes Consellerías:
Acadárase en maio, nunha reunión mantida coa Conselleira de Vivenda e Solo, a promesa de ter unha reunión a tres bandas entre as dúas Consellerías e os Axentes Sociais e Asociacións implicadas, en principio esta reunión ía ser nos 10 días seguintes ás eleccións municipais, finalmente foi en setembro e sen estar presente a Consellería de Medio Ambiente.

Esta reunión (7 de setembro) convertéuse nunha repetición da anterior xa que a non comparecencia de Medio Ambiente foi a nota máis relevante désta. Lembramos que á Consellería de Vivenda e Solo compételle a xestión do solo do Parque, coma en calquera outro parque empresarial; pero a xestión do lixo correspóndelle á Consellería de Medio Ambiente a través da Dirección Xeral de Calidade Ambiental.
Por parte da Consellería de Vivenda e Solo, repetíase por activa e por pasiva que para aí non permitirían que viñeran empresas contaminantes (pero se contaran co visto bó de Medio Ambiente non poderían facer nada), mesmo se ofreceron a asinar certas restriccións para empresas que viñeran para aí.

O que sí quedou máis que claro son as malas relacións entre as dúas Consellerías, xa que apenas tres días despois, a Consellería de Medio Ambiente convocaba en Compostela ós grupos ecoloxistas ADEGA, Verdegaia, Amigos da Terra, e FEG, deixando sen convocar ás asociacións ecoloxistas do Ribeiro.
Nesta reunión convocada dun día para outro (12 de setembro) o Conselleiro de Medio Ambiente, aclarou (sen garantías escritas) que para Carballeda de Avia non virían residuos sólidos urbanos, nin residuos dos considerados “perigosos”, xa que éstes van para Sogarisa (Ferrolterra).
Volveu a insistir en que aínda non hai nada elaborado e o que se colga na páxina de Medio Ambiente son proxectos orientativos pero que está todo en fase de estudo (decalracións de Pachi Vázquez). Pasa entón a ser o problema os residuos que, sen seren considerados perigosos, sí son tóxicos e non poden tratarse nun radio menor ós 2000 metros dunha poboación, néstas circunstancias atópanse ácidos e bases, aceites industriais… recoñecendo o propio conselleiro que o Parque de Carballeda vai dirixido a esta franxa de refugallos.

Estaba convocada tamén unha manifestación contra o Parque para o día 15, manifestación á que acudiron, segundo a organización, 5000 persoas e segundo a policía 700; manifestación que valeu para descubrir o compromiso ecoloxista do PP, compromiso ó que tamén se sumaron os novos ecoburgueses.

Sorprende moito ver cómo un foro que se autodenomina “Temos dereito a saber”, e coñecendo dende o mércores día 12 o compromiso do Conselleiro de que non ían vir os RSUs para Carballeda de Avia o seguiron mantendo como un dos puntos estrela do seu manifesto. Ocultouse esta información de xeito intencionado.

A maiores vimos o nacemento nestes últimos días dunha plataforma patrocinada polo PSOE a prol do Parque Ambiental co principal eslogan dos postos de traballo.

Co paso dos días (isto saltou fai un ano) fomos observando varios cambios:
• Recortes no “proxecto“: non aparecen xa os RSUs, os lodos están en fase de estudo…
• Con respecto ós que abandeiran a loita pola información centráronse máis en amedrentar e desinformar, ou máis ben, contar o que lles convén.
• Como novidade nace o movemento tiffosi a favor do Parque onde non se coida o máis mínimo a posible imparcialidade da plataforma xa que todas as aparicións públicas as fan cargos do PSOE.

Dende esta asociación seguimos apoiando o manifesto elaborado polos grupos ecoloxistas da Galiza e actualizado despois da reunión co Conselleiro de Medio Ambiente. Este manifesto foi elaborado e asinado polas organizacións: ADEGA, Amigos da Terra, Coto do Frade, FEG (Federación Ecoloxista Galega) e Verdegaia:

Posicionamento Ecoloxista en torno ao Proxecto de Polígono adicado
á Xestión de Residuos en Carballeda de Avia.

Perante a iniciativa de instalación en Carballeda de Avia dunha infraestructura de tratamento de Residuos denominada “Parque Medioambiental”, os grupos ecoloxistas abaixo asinantes REXEITAMOS este proxecto por:
- Falta de planificación previa sobre o tratamento de Residuos Urbanos e Industriais a nivel galego (nova Lei Galega de Residuos e Planos Galegos de Residuos Sólidos Urbanos e
de Residuos Industriais).
- Pésima política informativa da administración con continuas declaracións e propostas distintas e mesmo contradictorias.
- Pola súa proximidade aos núcleos de poboación sitos a menos de 2000 metros, pola súa posíbel afectación aos recursos hídricos e pola falta dun estudo previo para outros
posíbeis emprazamentos.
- Porque a día de hoxe seguimos sen saber a natureza, procedencia e volume dos residuos e as técnicas que se van usar para o seu tratamento.
- Rexeitamos nése emprazamento a posibilidade de levar Residuos tóxicos e perigosos como disolventes, aceites industriais ou ácidos e bases.

Porén, APOIARÍAMOS plantas de tratamento para a xestión de residuos, sempre e cando
cumprisen os seguintes criterios:
- Estivesen enmarcadas nun modelo de xestión no que prime a Reducción.
- Estivesen baseadas en sistemas de tratamento que exclúan a incineración (incluído plasma ou pirólise).
- Que se escollan os emprazamentos máis axeitados para garantir a saúde
ambiental e cidadá en función do residuo a tratar, e non ao revés.

Finalmente, os grupos abaixo asinantes manifestan o desexo de que a xestión dos residuos deixe de ser empregada como ferramenta partidista e que pase a ser considerado un dos piares básicos dunha sociedade galega sustentábel.

magosto popular

2007-10-26T12:59:00.000+01:00

o vindeiro venres dia 2 de novembro, festexamo-lo MAGOSTO en arrincadeira. haberá comida, bebida, festa, música ao vivo, e castanhas... ainda non se sabe! co outono raro que tivemos...
e o mercores 31, véspera de santos, tamen celebraremos o II CAMPIONATO DE FUTBOLIN (ou matraquinho).
E tampouco esquezades a NOITE MEIGA, o sabado 3.

Xa podedes actualizar as cuotas!

2007-07-09T14:16:00.000+01:00

Pasádevos polo local social e actualizade as vosas cuotas. A vosa axuda é imprescindíbel para o mantemento do local. Graciñas a tod@s!

NOITE DE SAN XOAN EN ARRINCADEIRA

2007-06-19T17:31:00.000+01:00

O sábado 23 á noite, na véspera de San Xoán, festexarémo-la noite das meigas en Arrincadeira, no local da rúa Mera Soto. Haberá actividades para cativ@s a partires das 19:30 horas, e despois, festa e fogata. Xa sabes, espanta ás meigas coa xente de Arrincadeira!

Actividades:

2007-06-12T17:18:00.000+01:00

Aulas Semanais de Pandeireta

LOCAL SOCIAL DE ARRINCADEIRA

2007-06-12T16:21:00.000+01:00

ESTAMOS DE OBRAS DO BLOG

2007-06-05T11:10:00.001+01:00

en breve teremos o noso blog actualizado!!
desculpade as molestias

CAVADO A MAN Nº3

2007-04-09T09:53:00.000+01:00

Está á vósa disposición o novo número do Cavado a man, e imos polo 3! @s que queirades un exemplar pasádevos polo local social Arrincadeira. Saudos

CHARLA - COLOQUIO con LIDIA SENRA

2007-03-16T13:42:00.000+01:00

Hoxe ás 8 do serán, Lidia Senra - Secretaria Xeral do Sindicato Labrego Galego - estará no Cafe-Pub Aljama de Ribadavia nunha charla - colóquio sobre "Os impactos da agricultura industrial".
Quedades convidados.

XA TEMOS BLOG!

2007-03-15T13:54:00.001+01:00